✅ Монгол түмний соёлын давтагдашгүй биет бус өв Монгол ардын уртын дууг өвлөн уламжлуулах, сурталчлан таниулах, түгээн дэлгэрүүлэх, өсвөрийн уртын дуучдыг хамруулж, өв тээгчдийг тодруулахад оршино. ✅Хамрах хүрээ Ерөнхий боловсролын сургуулийн 12-17 насны сурагчдын дунд зохион байгуулагдана. Дунд нас 12-14 нас Ахлах нас 15-17 нас ✅Уралдааныг зохион байгуулагч Монголын Хүүхдийн ордон Монголын Уртын дууны холбоо ✅Уралдааныг зохион байгуулах хугацаа • 2025 оны 03 дугаар сарын 28-ны өдрийн 10:00-17:00 цагийн хооронд уралдаанд оролцох сурагчид Монголын Хүүхдийн ордны Их танхимын тайзнаа бэлтгэл хийж, уралдаанд оролцох дарааллаа сугална. ✅Уралдаан 2025 оны 03 дугаар сарын 29-ний 09:00 цагт Монголын Хүүхдийн ордны Их танхимд 1,2-р шат зохион байгуулагдана. ✅Уралдааны бүртгэл Уралдаанд оролцогчид 2025 оны 03 дугаар сарын 03-наас 2025 оны 03дугаар сарын 24-ны өдөр хүртэл surgalt@mxo.ub.gov.mn цахим хаягаар ирүүлэх буюу Монголын Хүүхдийн ордны №105 тоот өрөөнд бүртгэнэ. Бүртгэлийн хураамж30,000төгрөг ✅Холбоо барих Утас: 11-318275, 9626-0695, 9661-8848 Цахим хаяг: surgalt@mxo.ub.gov.mn

"ИРЭЭДҮЙН_ЭЗЭД" ХӨТӨЛБӨРИЙН УРЬДЧИЛСАН ХЭЛЭЛЦҮҮЛЭГ ЯВАГДАЖ БАЙНА. 📌Аймгийн Засаг даргын 2025-2028 оны үйл ажиллагааны мөрийн хөтөлбөрт тусгагдсан "ИРЭЭДҮЙН ЭЗЭД" гэр бүл, хүүхдийн хөгжил, хамгааллыг сайжруулах хөтөлбөрийг хэлэлцүүлэх урьдчилсан хэлэлцүүлэг явагдаж байна. 📌Тус хөтөлбөрийн зөвлөхөөр Доктор, дэд профессор Б.Оюун-Эрдэнэ хамтран ажиллаж, хөтөлбөрийн хүрээнд хамтрах байгууллагуудын төлөөлөл оролцож байна.

🔷Энэ жил Бор-Өндөр, Биндэр суманд үйлчилгээний төвийг байгуулна. 🔷Үйлчилгээний төвд хүүхэд, гэр бүлийн нийгмийн ажилтан мөн сэтгэлзүйч ажиллана. 🔷Хэнтий аймаг нь сар бүрийн эхний өдрийг хүүхдээ сонсох өдөр болгож, 82 удаагийн уулзалт зохион байгуулж, 2500 хүүхдийг хүлээн авч, 200 гаруй хүүхэд захидал илгээжээ. 🔷Тус аймаг нь 78877 хүн амтай, нийт хүн амын 36,3 хувь хүүхдүүд байна.

❇️Засгийн газрын 2024 оны 12 дугаар сарын 25-ны өдрийн 237 дугаар тогтоол гарч орон нутагт 565, Нийслэлд 268, Монгол улсын хэмжээнд 833 Хүүхэд, гэр бүлийн Нийгмийн ажилтан ажиллахаар шийдвэрлэсэн бөгөөд эдгээр албан хаагчдийг сургах, чадавхжуулах, чиглүүлэх Үндэсний хэмжээний сургалт өнөөдөр 6 бүсэд нэгэн зэрэг эхлэж байна. ❇️Өнөөдрийн Зүүн бүсийн сургалтад Хэнтий аймаг, Дорнод аймаг, Сүхбаатар аймагуудаас нийт 58 Хүүхэд, гэр бүлийн Нийгмийн ажилтан оролцож байна. ❇️Сургалтаар Хүүхдийн хөгжил, хамгааллын чиглэлээр төрөөс баримталж буй бодлого, хөтөлбөр, Нийгмийн ажилтны ёс зүй, эрх зүйн хэм хэмжээ, кейс менежмент, Хүүхэд, гэр бүлд үзүүлэх нийгмийн ажил үйлчилгээний ойлголт, мэдээллийн сангийн талаарх ойлголт, Нийгмийн ажилтан сэтгэл зүйгээ хэрхэн хамгаалах зэрэг ойлголтуудыг онолын болон практик, багаар ажиллах сургалтыг зохион байгуулах юм. ❇️Хүүхэд, Гэр бүлийн Нийгмийн ажилтныг чиглүүлэх, мэргэшүүлэх үндэсний сургалтын Зүүн бүсийн сургалтын үйл ажиллагаанд Гэр бүл, Хөдөлмөр, Нийгмийн хамгааллын Яамны Төрийн нарийн бичгийн дарга Л.Мөнхзул, Хэнтий аймгийн Засаг дарга бөгөөд Хүүхдийн төлөө зөвлөлийн тэргүүн Д.Аюурбунь, Хэнтий аймгийн Хүүхэд, Гэр бүлийн хөгжил, хамгааллын газрын дарга Х.Уртнасан нар оролцож байна. ❇️Зүүн бүсийн сургалтыг зохион байгуулах сургагч багш нараар Хүүхэд, гэр бүлийн хөгжил хамгааллын Ерөнхий газрын сургалт, судалгаа мэдээллийн төвийн дарга Г.Ариунчимэг, Сонгино Хайрхан дүүргийн Хүүхэд, Гэр бүлийн хөгжил, хамгааллын хэлтсийн дарга Н.Хөхөө, Монгол улсын Их сургуулийн Зүүн бүсийн сургуулийн Нийгмийн ажлын багш Ц.Ариунзул , “Улаанбаатар эрдэм” Их сургуулийн Нийгмийн ажлын багш, дэд профессор Б.Сайнзаяа нар сургалтын үйл ажиллагааг удирдан зохион байгуулахаар ирсэн байна.

✅ Гэр бүл, хөдөлмөр, нийгмийн хамгааллын салбарын ажилтан албан хаагчидтай уулзалт хийж Гэр бүл, Хөдөлмөр, Нийгмийн хамгааллын сайд Л. Энх-Амгалан Хэнтий аймаг дахь Хүүхэд Хамгааллын байрны их засварт зориулан 180 сая төгрөгийн асуудлыг шийдвэрлэлээ. ✅Мөн энэ үеэр Хэнтий аймгаас сонгогдсон Улсын их хурлын гишүүд Төрийн үйлчилгээний чанар хүртээмжийг сайжруулах, албан хаагчдын ажиллах нөхцөлийг сайжруулах зорилгоор дэмжлэг үзүүлж шаардлагатай тоног төхөөрөмжийн батламжийг гардуулан өглөө.