2025 ОНЫ 04 САРЫН 04, БААСАН ГАРИГ


Шинэ мэдээ

2025/03/31

Албан хаагч, ажилтныг сонгон шалгаруулах журам

2025/03/31

Албан хаагч, ажилтны ёс зүйн дүрэм

2025/03/31

Албан хаагчийн ажлын гүйцэтгэлийг үнэлэх журам

2025 оны 1 дүгээр улирлын байдлаар иргэдээс 41 хүсэлт, өргөдөл хүлээн авсан бөгөөд үүнээс 6 нь хүүхдийн эрх, хүүхдийн мөнгөн тэтгэмж, үе тэнгийн дээрэлхэлттэй холбоотой, 35 нь Хүүхэд хамгааллын тухай хуулийн хүрээнд суманд Хүүхэд, гэр бүлийн нийгмийн ажилтнаар ажилд орох хүсэлт ирүүлсэн байна. Үүнээс: шийдвэрлэсэн – 37, судлагдаж байгаа – 4 байна. Албан хаагчид болон иргэдээс ирүүлсэн санал хүсэлт, өргөдөл гомдлыг хариуцсан албан хаагч нар хяналтад авч хуулийн хугацаанд шийдвэрлэн ажиллаж байна.
2025/03/26

ӨРГӨДӨЛ ГОМДЛЫН ШИЙДВЭРЛЭЛТ

Н ҮЙЛ АЖИЛЛАГААНЫ СТРАТЕГИ Үйл ажиллагааны стратегийн мөн чанар Гэр бүл нь хүний хөгжлийн анхдагч орчин, нөгөө талаас нийгэм, эдийн засгийн харилцааны суурь, дэвшилтэт соёл, уламжлал өвлөгдөн шинэчлэгдэх, аж төрөх ёсны бичил ахуй бөгөөд төрийн бодлогын төвд оршино. Хүний хөгжил төлөвшил, нийгмийн хамгааллын бодлого, үйл ажиллагааг гэр бүлд суурилж явуулах нь үр дүнтэй бодлого, арга зүй болохыг олон улсын туршлага, эрдэмтдийн судалгаа харуулж байгаа бөгөөд энэ нь үндэсний эрх ашгийг дээдэлж агентлагийн хэрэгцээ шаардлага, үйл ажиллагааны стратегийн нийтлэг мөн чанарыг тодорхойлж байна. . Тэргүүлэх чиглэл Хүүхэд, гэр бүлийн хөгжил, хамгааллын ерөнхий газрын үйл ажиллагаа нь дараах тэргүүлэх чиглэлтэй байна: Хууль тогтоомж, бодлого, хөтөлбөрийг хүний эрхэд суурилсан хандлага, өсвөр үеийн үзэл бодол болон гэр бүлийн хөгжлийн хэрэгцээнд нийцүүлж сурталчлан таниулах, хэрэгжилтийг хангах ажлыг зохион байгуулах; Байгууллагын удирдлагын арга барил, манлайллаар тэргүүлж, төрийн албан хаагчийн ёс зүй, байгууллагын соёлыг эрхэмлэн төлөвшүүлэх, хууль эрх зүйн болон мэргэжил арга зүйн зөвлөмж, үйл ажиллагаагаар хэрэглэгч, тогтвортой, шуурхай хангах, бүтцийн нэгжүүд, харьяа байгууллагуудын үйл ажиллагааны уялдаа холбоог нягтруулж, үндэсний чадавхыг бэхжүүлэх, тэрийн үйлчилгээний чанар, хүртээмжийг сайжруулах; Хүүхэд, гэр бүлийн хөгжил, хамгааллын чиглэлээрх үйл ажиллагаа, салбарын үйлчилгээг мэдээллийн технологийн ололтод тулгуурлан цахимжуулах, хэрэглэгчдэд шуурхай, хялбар хүргэх, мэдээллийн системүүдийг хөгжүүлэх, цахимд системд суурилсан мэдээллийн сангийн тогтолцоог бий болгох, бүрдүүлэх, төрийн үйлчилгээний шат дамжлагыг багасгах, судалгаа, мэдээллээр хангах, хяналт тавих, мэдээллийн удирдлагыг хэрэгжүүлэх; Хүүхэд, гэр бүлийг хөгжүүлэх, тэдний эрхийг хамгаалахад төр, олон нийт, иргэний нийгэм, олон улсын болон хэвлэл мэдээллийн байгууллагуудтай түншлэл, салбарын эрдэмтэн судлаачдын хамтын ажиллагааг бэхжүүлэх, олон улсын жишигт нийцүүлэх хөгжлийн бодлогыг хэрэгжүүлэх, тогтвортой байдлыг хангах, хүүхэд, залуучуудын оролцоог өргөжүүлэх; Хүүхэд, гэр бүлд зориулсан бүх шатны үйлчилгээний чанар, хүртээмж, стандартыг олон улсын жишигт нийцүүлэх, нийгмийн хөгжлийн үйлчилгээг хэрэгцээнд тулгуурлан тодорхойлох, уялдаа холбоог бэхжүүлэх, үйлчилгээнд инновацыг нэвтрүүлэх; Хүүхэд, гэр бүлийг дэмжих, хамгаалах, хөгжүүлэхэд төр, олон нийт, иргэний нийгэм, олон улсын болон хэвлэл мэдээллийн байгууллагуудтай түншлэл, хамтын ажиллагааг бэхжүүлж, хүүхэд, залуучуудын оролцоог өргөжүүлэх; Байгууллагын удирдлагын үр ашигтай арга барилыг нэвтрүүлэх, төсөв санхүүгийн тогтвортой байдлыг хэрэгжүүлэх, төлөвлөх, байгууллагын соёлыг төлөвшүүлж, ил тод байдлыг ханган ажиллах. Эрхэм зорилго Хүүхэд, гэр бүлийн хөгжил, хамгааллын газрын үйл ажиллагааны эрхэм зорилго нь тогтвортой аз жаргалтай, ирээдүйд итгэлтэй гэр бүл, хүүхэд, залуучуудыг төлөвшүүлэх, хөгжүүлэх, тэдний эрхийг хамгаалахад оршино. Үйл ажиллагаанд баримтлах зарчим Дэвшилтэт уламжлал, соёл, ёс заншил болон орчин үеийн хөгжлийн чиг хандлагыг зохистой уялдуулах; Гэр бүлийн тогтвортой, хамтын амьдралыг дэмжиж, хүний эрхийг нэн тэргүүнд эрхэмлэн дээдлэх; Хүний хөгжлийн үе шатан дахь нас, хүйс, сэтгэхүйн онцлог, ялгаатай байдалд мэдрэмжтэй хандан, хөгжлийн түүчээ нь болох; Холбогдох бодлого, шийдвэр, төлөвлөлт, төсвийн хуваарилалтад бүх талуудын бодит оролцоог хангах; Үйл ажиллагаа нээлттэй, ил тод, удирдах арга барил шударга шинийг санаачлагч, өөрчлөлтийг манлайлагч, инновацыг нэвтрүүлэгч байх; Бие даасан, хөгжил дэвшлийг эрхэмлэгч, мэргэжлийн, чадварлаг, нэгдмэл зорилготой баг болон бүрдэх. Үйл ажиллагааны стратегийн зорилт Хүүхэд, гэр бүлийн хөгжил, хамгааллын талаарх төрийн захиргааны удирдлагыг хэрэгжүүлэх, мэргэжил, арга зүйн удирдлагаар манлайлах, албан хаагчдын ажиллах таатай орчин бүрдүүлэх, орон нутгийн болон харьяа байгууллагуудад удирдлага арга зүйн дэмжлэг үзүүлэх, хүний нөөцийн мэргэшсэн бүтцийг бий болгох, чадавхжуулах, мерит зарчмын бодлогыг хэрэгжүүлэх, хэвлэл мэдээлэл, олон нийт, салбарын чиглэлээр эрдэмтэн судлаачид, төрийн бус байгууллагатай хамтран ажиллах үйл ажиллагааг нэгдсэн удирдлага, зохицуулалтаар хөгжүүлэх, бэхжүүлэх, санхүү, хөрөнгө оруулалтын тогтвортой, найдвартай үйл ажиллагааг хэрэгжүүлэх; Гэр бүлийн талаарх хууль тогтоомж, урт, дунд хугацааны бодлогын хэрэгжилтийг хангах, холбогдох дүрэм журмыг боловсронгуй болгох, сурталчлах, гэр бүлийн хамтын амьдрал, үнэт зүйлсийг дэмжин хөгжүүлэх, соён гэгээрүүлэх, хүүхэд гэр бүлийн зөв суурь хүмүүжил, боловсролыг төлөвшүүлэх ач холбогдол, давуу талыг таниулах, хүүхдийн сурч боловсрох, хөгжих, нийгмийн амьдралд оролцох эрхийг хангах, салбар дундын зохицуулалтыг хийж, гэр бүлийн хөгжлийг дэмжих хөтөлбөрийг хэрэгжүүлэх, хөгжлийн үйлчилгээний арга зүйг түгээж, чанар, стандартуудыг мөрдөх, сайжруулах, хяналт тавих; Хүүхдийн эрхийн хэрэгжилтийг хангах, бодлого, хөтөлбөр үйл ажиллагааны уялдаа холбоог хангах, хууль тогтоомжийн хүрээнд арга зүйн удирдлагаар салбарын хэмжээнд болон салбар дундын үйл ажиллагаанд хангаж ажиллах, зохицуулалтыг хийх, Олон улсын гэрээ, конвенци, хөтөлбөрийн хэрэгжилтийг хангах, сурталчлах, хүүхдийн эрхийг хамгаалах, нийгмийн бүх орчинд хүүхдийн эсрэг хүчирхийллийг хориглох, урьдчилан сэргийлэх, эрсдэлт нөхцөл байгаа хүүхдэд хамгааллын үйлчилгээ үзүүлэх, хүүхдийн эрхийн мэргэжилтэн, нийгмийн ажилтнуудын чадавхыг дэмжих, арга зүйгээр хангах, үйлчилгээний нэр төрөл, чанар, стандартыг сайжруулах; Салбарын үйл ажиллагаа, иргэдэд хүргэх үйлчилгээг мэдээлэл технологид суурилан цахим шилжилтэд нэвтрүүлэх, хөгжүүлэх, мэдээллийн сан, мэдээллийн системийг хөгжүүлэх, статистикийг сайжруулах, бусад төрийн үйлчилгээ, мэдээллийн тогтолцоонд холбох, хөгжүүлэх, мэдээллийн сан, мэдээллийн систем, цахим үйлчилгээний аюулгүй байдлыг хангах, үр дүнд чиглэсэн хяналт шинжилгээ, үнэлгээний тогтолцоог бэхжүүлэх; 2.6.Үйл ажиллагааны гол зорилт. 2.6.1.Стратегийн 2.5.1 дүгээр зорилтын хүрээнд: 1. Агентлагийг төрийн захиргааны удирдлагын манлайллаар хангах, харьяа газар, хэлтэс, байгууллагууд, нэгжүүдийн үйл ажиллагааны уялдаа холбоог сайжруулж, арга зүйгээр хангах, байгууллагын хүний нөөцийг хөгжүүлэх, мерит зарчмыг баримтлах, байгууллагын соёлыг төлөвшүүлэх, төрийн албан хаагчдын ёс зүйн хэм хэмжээг мөрдөх, салбарын хууль тогтоомжийн уялдааг сайжруулж, хууль эрх зүйн зөвлөгөө, дэмжлэг туслалцаа үзүүлэх; 2. Төсвийн төвлөрүүлэн захирагчтай төсвийн шууд захирагчийн байгуулсан гүйцэтгэлийн гэрээ, байгууллагын үйл ажиллагааны гүйцэтгэлийн төлөвлөгөө, боловсруулж батлуулах, харьяа байгууллага, газар хэлтсийн гүйцэтгэлийн төлөвлөгөөг хянаж батлуулах, нэгж, албан хаагчдын жил, улирал, сарын гүйцэтгэлийн төлөвлөгөөний хэрэгжилтийг хангах үйл ажиллагааг төлөвлөн хэрэгжүүлэх; 3. Засгийн газрын үйл ажиллагааны хөтөлбөр, үндэсний хөтөлбөр, дээд газрын тогтоол шийдвэрийг биелэлтийг хангах, холбогдох байгууллагад тайлагнах; 4. Агентлагийн үйл ажиллагааны жилийн зорилго, зорилттой уялдуулан урт, дунд, богино хугацааны төсвийн төлөвлөлт, урсгал зардал, хөрөнгө оруулалт, төсөл хөтөлбөр, арга хэмжээ, худалдан авалтыгг төлөвлөн зохион байгуулах, тайлагнах, зохицуулалтыг хангах; 5. Агентлагийн үйл ажиллагааг нотолгоонд суурилж, үр дүнд чиглэсэн бодлого төлөвлөлт, хэрэгжилт, хяналтын тогтолцооны бүх шатанд үр дүнтэй хэрэгжүүлэх; 6. Төв, орон нутгийн бүтэц, орон тооны жишиг, санхүүжилтийн механизмыг хүн ам, гэр бүл, хүүхдийн тоонд суурилан тогтоож, нийгмийн үйлчилгээний жишиг нормативд нийцүүлэн, үр дүн, хөтөлбөрт суурилсан төлөвлөлт, санхүүжилтийн аргачлал нэвтрүүлж, нэгдсэн стандартыг хэрэгжүүлэх, төсөв, санхүү, хөрөнгө оруулалтын бодлогыг хэрэгжүүлэх; 7. Орон нутгийн хүүхэд, гэр бүлийн хөгжил, хамгааллын газрын эрх зүйн чадамжийг бэхжүүлж, үйл ажиллагааны нэгдлийг хангах, үр дүнг тооцох ажлыг зохион байгуулах; 8. Хүүхэд, гэр бүлийн хөгжил, хамгааллын асуудал эрхэлсэн бүх шатны ажилтан албан хаагчдын ажиллах нөхцөл нийгмийн баталгааг хангах хөтөлбөрийг хэрэгжүүлэх, салбарын хүний нөөцийг чадавхжуулж, мэргэшүүлэх, давтан сургах сургалтын хөтөлбөрийг боловсруулан, үе шаттай хэрэгжүүлэх; 9. Гэр бүлийн хөгжлийн төв/ордон/, Гэр бүлд зөвлөгөө өгөх төв, Хүүхдийн ордон, орон нутгийн Хүүхэд, гэр бүлийн хөгжил, хамгааллын хэлтсийн дэргэд ажиллуулах төвийн зохион байгуулалт, үйл ажиллагааны хүрээ, дүрэм журам, стандартын хэрэгжилтийг хангах, хяналт тавих; 10. Харьяа байгууллагуудын бүтэц, зохион байгуулалтыг боловсронгуй болгох, мэргэшсэн тогтолцоог бүрдүүлэх чиглэлээр санал боловсруулах, арга зүйгээр хангах, дэмжлэг үзүүлж ажиллах; 11. Харьяа байгууллагуудын чадавхыг дэмжих хүрээнд төсөв, хөрөнгө оруулалт, үйл ажиллагааны чиглэлээр агентлагаас болон хамтрагч талуудын түншлэл, хамтын ажиллагаагаар хийгдэх төсөл хөтөлбөрийг хэрэгжүүлэхэд дэмжлэг үзүүлэх, санаачлах; 12. Агентлагийн харьяа байгууллага болох Олон улсын хүүхдийн “Найрамдал” цогцолбор, “Өнөр бүл” хүүхдийн төв, Хүүхдийн тусламжийн 108 утасны үйлчилгээний төв, Сургалт, судалгаа, мэдээллийн төв, Хүүхэд хамгааллын хариу үйлчилгээ, Түр хамгаалах байрны /цаашид харьяа байгууллагууд гэх/ үйл ажиллагааны төлөвлөлтөд салбарын хууль тогтоомжийн хэрэгжилтийг хангуулах талаар хамтарч ажиллах; 13. Гадаад хамтын ажиллагааг хөгжүүлэх, гадаад төсөл, хөтөлбөр, олон улсын байгууллагуудтай хамтран арга хэмжээ хоорондын уялдааг хангах, харьяа байгууллагуудын үйл ажиллагаатай уялдуулахад бүх талын дэмжлэг үзүүлэх; 14. Агентлагийн үйл ажиллагаа, гүйцэтгэх үүргийг хэвлэл мэдээллийн хэрэгслээр олон нийтэд сурталчлан таниулах, нийгмийн үнэлэмжийг дээшлүүлэх, ард иргэд, хүүхэд залуучуудын нийгмийг боловсролыг дээшлүүлэхэд чиглэсэн мэдээллийг тогтмол хүргэх үйл ажиллагааг нэгдсэн бодлого, удирдлагаар хангах; 15. Монгол гэр бүл, хүүхэд судлаач, хүн ам зүйн бодлого судлаач нарын төлөөлөл бүхий эрдэмтдийн зөвлөх баг байгуулан ажиллуулах замаар Хүүхэд, гэр бүлийн хөгжил, хамгааллын чиглэлээр эрдэм шинжилгээний ажлыг тогтмолжуулж, гэр бүл судлал, хүүхэд судлалын суурь болон хавсарга судалгааг хөгжүүлэх; 16. НҮБ, түүний төрөлжсөн агентлагууд болон бусад ОУБ-тай хамтын ажиллагааг идэвхжүүлэх, уялдаа холбоог бэхжүүлэх, гадаад улс оронтой харилцан туршлага судлах, хамтын ажиллагааг өрнүүлэх; 2.6.2 Стратегийн 2.5.2 дугаар зорилтын хүрээнд: Гэр бүлд үндэсний дэвшилтэт соёл, өв уламжлалаа хамгаалах, өвлүүлэх, хөгжүүлэх зорилго бүхий гэр бүлийн хөгжлийг дэмжих хөтөлбөрийг боловсруулж, хэрэгжүүлэх; Гэр бүлд дэх хүн амын эрх ашгийг хамгаалах, гэр бүлийн гишүүдэд эерэг харилцааг төлөвшүүлэх, хүүхдийг эерэг аргаар хүмүүжүүлэх сургалт, нөлөөллийн үйл ажиллагааг зохион байгуулах; Гэр бүлийн харилцаанд жендерийн тэгш байдлыг хангах, гэр бүлийн үнэ цэнийг өсгөх, эрчүүдийн манлайлал, үлгэр дуурайлал, хөгжлийг дэмжихэд чиглэсэн сургалт, сурталчилгааны ажлыг эрчимжүүлэх, угийн бичиг хөтлөх бүх нийтийн аян өрнүүлж, энэ чиглэлд иргэний нийгмийн байгууллага, олон нийтийн санаачилгыг дэмжих; Гэр бүлийн өмнө тулгамдаж байгаа асуудлыг тодорхойлж, иргэд олон нийтийн дэмжлэгийг авах, соён гэгээрүүлэх, залуу гэр бүл, зорилтот гэр бүлд чиглэсэн хөтөлбөр үйл ажиллагаа, хөгжлийн үйлчилгээг судалгааны үр дүнд суурилан хэрэгжүүлэх, дэмжлэг үзүүлэх; Нийгмийн тодорхой шалтгааны улмаас тусгаарлагдсан гэр бүлийн гишүүдийг эргэн нэгтгэх хөтөлбөр, үйлчилгээг боловсронгуй болгох, олон улсын болон үндэсний сайн туршлага, арга зүйг түгээн дэлгэрүүлэх; Хүүхэд, гэр бүлийн хөгжил, хамгааллын чиглэлээр олон нийт, нийгмийн сэтгэл зүйг эерэгээр өөрчлөх соён гэгээрүүлэх, нөлөөллийн үйл ажиллагаа зохион байгуулах; Гэр бүлийн маргаан, гэр бүлийн хүчирхийллийн асуудлаар хууль тогтоомжийн хэрэгжилтийг хангаж ажиллах; Гэр бүлийг эвлэрүүлэн зуучлах үйл ажиллагаанд дэмжлэг үзүүлж шүүхээс гадна төр, олон нийтийн байгууллагын хүрээнд хэрэгжүүлэх арга механизмыг сайжруулж, үйлчилгээний загварыг бий болгон, түгээхэд мэргэжлийн байгууллагуудтай хамтран ажиллах; Гэр бүлийн хүчирхийллийн хохирогчийг түр хамгаалах үйлчилгээг олон улсын стандартад нийцүүлэн, нийслэлд болон орон нутагт нээн ажиллуулахад мэргэжил, арга зүйн удирдлагаар хангахад холбогдох байгууллагуудтай хамтран ажиллах; Зорилтот гэр бүл, түүний гишүүдэд чиглэсэн нийгмийн хамгааллын үйлчилгээний хүртээмж, шалгуур, нөхцөл байдал, дүрэм, журам стандартад дүн шинжилгээ хийж, нийгмийн үйлчилгээг нэг цэгээс, түргэн шуурхай, цогцоор хүлээн авах нөхцлийг хангах; Хамтарсан багийг мэргэжил арга зүйгээр хангах, ажлын гүйцэтгэлийг дүгнэх, урамшуулах, идэвхжүүлэх ажлыг зохион байгуулах; Гэр бүлийн асуудлаарх хууль эрх зүйн орчныг боловсронгуй болгох чиглэлээр нөлөөллийн үйл ажиллагааг зохион байгуулах, нийгмийн үйлчилгээний жишиг нормативыг нэвтрүүлэх; 2.6.3. Стратегийн 2.5.3 дугаар зорилтын хүрээнд: Хүүхдийн эрхийн тухай, Хүүхэд хамгааллын тухай, Гэр бүлийн хүчирхийлэлтэй тэмцэх тухай хуулийн холбогдох чиг үүргийг хэрэгжүүлэх, хэрэгжилтэд хяналт тавих; Хүүхэд, гэр бүлийн эсрэг хүчирхийллийг бууруулах, хамгааллын хариу үйлчилгээг үзүүлэх, мэдээллийн нэгдсэн сан бүрдүүлэх зэрэгт мэргэжил арга зүйн дэмжлэг үзүүлэх; Хүүхдийн эрхийн тухай НҮБ-ын конвенцийн хэрэгжилтийн үндэсний тайлан, Хүүхдийн эрхийн хорооноос ирүүлсэн санал зөвлөмжийг бусад салбарууд, иргэд, олон нийтэд түгээх, сурталчлах, арга зүйгээр хангах; Хүүхдийн хөгжил, хамгааллын үндэсний хөтөлбөрийн хэрэгжилтийг хангах, төлөвлөгөө хөтөлбөр гаргах, үе шаттай зохион байгуулах; 5. Салбар дундын зохицуулалтыг боловсронгуй болгох, уялдаа холбоог сайжруулах, хууль, тогтоомжоор хүлээсэн чиг үүргийн хүрээнд ажлын албадын үйл ажиллагааг зохион байгуулах, Хүүхдийн төлөө сангийн ажлын албаны үйл ажиллагааг зохион байгуулах, тайлагнах, хүүхэд эрхийн асуудлаар үүрэг хүлээгчид, хүүхдийн элчийн үйл ажиллагаа, салбар, орон нутгийн түвшинд мэргэжил, арга зүйн удирдлагаар хангах; 6. Гэр бүл цуцлалтаас хүүхдэд үүсэх сөрөг үр дагаврыг бууруулах эрх зүйн зохицуулалтыг бий болгоход чиглэсэн нөлөөллийн үйл ажиллагаа, асралт гэр бүл бэлтгэх, чадавхижуулах, хүүхэд үрчлэлийн асуудлаар холбогдох хууль томтоомжийн хэрэгжилтийг хангах, зохион байгуулах; 7. Эрсдэлт нөхцөлд байгаа хүүхдийг хамгаалан байрлуулах, төвлөрсөн болон гэр бүлд түшиглэсэн халамж, асрамжийн хувилбарт үйлчилгээний стандарт, дүрэм журмыг боловсронгуй болгох, хяналт тавих, хүүхдийн гадаад болон дотоод үрчлэлд тавих хяналтыг сайжруулахад удирдах дээд байгууллагад дэмжлэг үзүүлэх; 8. Хүүхэд, өсвөр үеийнхнийг хэвлэл мэдээлэл, цахим орчин дахь мэдээллийн сөрөг нөлөөллөөс хамгаалах, эцэг эхийн оролцоотой хяналтыг төлөвшүүлэх; 9. Хүүхдийн эрхийн улсын байцаагч, Хамтарсан баг, Хүүхдийн хууль зүйн хорооны ажиллах хууль эрх зүйн орчныг сайжруулах, чадавхийг дэмжих, мэргэжил арга зүйгээр хангах, ажлын гүйцэтгэлийг дүгнэх, урамшуулах, идэвхжүүлэх ажлыг зохион байгуулах, арга зүйгээр хангах; 10. Хүүхэд зөрчил, гэмт хэргийн хохирогч болох, гэмт хэрэгт холбогдоход хэрэг бүртгэл, мөрдөн байцаах, шүүхийн шатанд төлөөлөл хэрэгжүүлэх замаар хууль ёсны эрх ашиг, сонирхлыг хамгаалах; 11. Хүүхдийн тусламжийн утасны Олон улсын байгууллагын /CHI/ гишүүний үүргээ хэрэгжүүлэн утасны үйлчилгээг олон улсын стандартад нийцүүлэхэд олон улсын болон мэргэжлийн байгууллагаас арга зүй, туслалцаа дэмжлэг авах, хамтын ажиллагааг өргөжүүлж зорилтот дуудлагын хариу үйлчилгээний чанарыг сайжруулах; 12. Хүүхдийн хөгжил, хамгааллын үйлчилгээг мэргэшсэн, магадлан итгэмжлэгдсэн төрийн бус байгууллага, хуулийн этгээдээр гэрээлэн гүйцэтгүүлж, үр дүнг тооцох, нийтэд мэдээлэх; Хүүхдийн хөгжил, оролцооны чиглэлээр олон улсын сайн туршлага, инновацийг судлан хөтөлбөр, арга хэмжээг хэрэгжүүлэх, хүүхдийн өөрийн удирдлагын болон хүүхдийн оролцооны байгууллагуудтай хамтран ажиллах, хүүхдэд ээлтэй засаглал, шийдвэр гаргалт, хүүхдийн оролцох, хөгжих, дуу хоолой, үзэл бодлыг сонсох, илэрхийлэх боломжийг нэмэгдүүлэх, хүүхдийн оролцооны чиглэлээрх судалгаа, арга зүйг хөгжүүлэх, хүүхэд, өсвөр үеийнхний сонирхлын бүлэг, клуб, холбоо зэрэг сайн дурын байгууллагын үйл ажиллагааг дэмжих; 14. Өмчийн бүх хэлбэрийн хүүхдийн зусланг хүүхдийн амралт, аялал жуулчлал, сувилал, чийрэгжүүлэлтийн болон оюун ухаан, авьяас чадварыг хөгжүүлэх амьдрах ухаанд суралцуулах, гэр бүлтэйгээ амрах чиглэлээр төрөлжсөн үйл ажиллагаа, хувилбарт хөтөлбөр бүхий үйлчилгээний цогцолбор болгоход чиглэсэн бодлого, хөтөлбөр боловсруулан хэрэгжүүлэх; 15. Хүүхэд, залуучуудыг соёл урлаг, спортоор дамжуулан хөгжүүлэх, амьдрах арга ухаанд суралцуулах хөгжлийн үйл ажиллагааг хүүхдийн ордон, хүүхэд, гэр бүлд зөвлөгөө өгөх төв болон бусад байгууллагыг түшиглэн орон нутагт хэрэгжүүлэхэд бодлого, удирдамж, арга зүйгээр ханган ажиллах; 16. Монгол хүүхдийн хөгжлийн түвшинг тодорхойлох, үнэлэх аргачлал боловсруулахад боловсролын, эрүүл мэндийн болон бусад салбарын эрдэмтэд, судлаачидтай хамтран ажиллах, олон улсын жишгийг судлан хэрэгжүүлэх; 17. Хүүхдийн нөхцөл байдлын үнэлгээ хийх аргачлал, дүрэм журмыг боловсронгуй болгож, мөрдүүлэх, үйлчилгээний зорилтот бүлгийг тодорхойлж, нийгмийн үйлчилгээний жишиг нормативыг нэвтрүүлэх; 10. Оюутан залуучуудад зориулсан тэтгэлэгтэй (цалинтай) дадлагажигчийн (интерншип/ грант) хөтөлбөрийг хэрэгжүүлэгчдийг дэмжин, хамтран ажиллах, сайн туршлагыг түгээх; 11. Их, дээд сургууль, мэргэжил сургалт үйлдвэрлэлийн төвүүдтэй хамтран элсэгчдэд зориулсан “шинэ орчинд дасан зохицох”, төгсөгчдөд зориулсан “ажлын байр”, “гарааны бизнес эрхлэх” зэрэг мэдлэг олгох нэмэлт хөтөлбөрийг хэрэгжүүлж, сайн туршлагыг уламжлуулах; 12. Зөв үлгэр дуурайлалтай гэр бүл, хүүхдүүдийн амжилтыг сурталчлан алдаршуулж, сайн туршлагыг түгээх; 2.6.5.Стратегийн 2.5.5 дугаар зорилтын хүрээнд 1. Цахим шилжилтийн хүрээнд мэдээллийн технологид тулгуурлан Хүүхэд, гэр бүлийн хөгжил, хамгааллын чиглэлээрх төрөлжсөн болон салбарын мэдээллийн сангийн нэгдсэн системийг хөгжүүлэх, ашиглах, нэвтрүүлэх; Хүүхэд, гэр бүлд чиглэсэн салбарын төрийн үйлчилгээний зарим хэсгийг цахим хэлбэрт шилжүүлэх, төрийн үйлчилгээг хялбар аргаар үйлчлүүлэгчдэд хүргэх, хүнд суртал, шат дамжлагыг багасгах чиглэлээр технологийн боломжийг ашиглах; 3. Хүүхэд, гэр бүлийн хөгжил, хамгааллын талаар нэгдсэн болон төрөлжсөн статистик мэдээллийн болон кейс үйлчилгээний цахим системийг ашиглахтай холбоотой мэргэжил арга зүйгээр хангах, мэдээллээр холбогдох талуудыг хангах, түгээх журмыг мөрдүүлэх; 4. Хүүхэд, гэр бүлийн хөгжил, хамгааллын бодлого хөтөлбөрийн хэрэгжилтийн бүх түвшинд хяналт шинжилгээ, үнэлгээ хийх, зөвлөмж өгөх, мэргэжил арга зүйгээр хангах, үр дүнд нь үнэлгээ өгөх; 5. Салбарын хууль тогтоомжийг хэрэгжилтийг хангах, үйлчилгээг цахимжуулах чиглэлээр олон улсын туршлага, мэдээллийн технологийн ололтыг нэвтрүүлэх, төлөвлөлтөд тусган хэрэгжүүлэх чиглэлээр мэдээллээр хангах, зохион байгуулах; 6. Байгууллагын дотоод үйл ажиллагаа, салбар, харьяа байгууллагуудын үйл ажиллагаанд дотоод аудит хийж дүгнэлт, зөвлөмж гаргах, туслах; 7. Төсөл, хөтөлбөрийн хэрэгжилтийн үр дүнг тооцох, тайлагнах үр дүнтэй механизмыг олон нийтэд ил тод нээлттэй болгох, цахимжуулах; 8. Салбарын хэмжээнд цахим засаглалыг нэвтрүүлэх, захиргааны байгууллагын албан хэрэг хөтлөлт, удирдлага болон албан бичиг солилцооны үйл ажиллагааг цахим хэлбэрт шилжүүлж, хэвшүүлэхэд холбогдох нэгжтэй хамтран ажиллах; 9. Төрийн үйлчилгээг цахим хэлбэрт шилжүүлэх үйл ажиллагааг төр, хувийн хэвшлийн түншлэлээр хэрэгжүүлэх; 10. Төрийн үйлчилгээ, үйл ажиллагааг боловсронгуй болгох, салбарт инноваци нэвтрүүлэхэд хувийн хэвшил, бусад төрийн байгууллагын хамтын ажиллагаагаар шийдвэрлэж ажиллах; 11. Орон нутгийн Хүүхдийн төлөө зөвлөл бусад хуулиар хүлээсэн ажлын албаны үйл ажиллагаанд хяналт шинжилгээ үнэлгээ, хийх, дүгнэлт, санал зөвлөмж гаргах;
2025/03/26

ҮЙЛ АЖИЛЛАГААНЫ СТРАТЕГИ

САНАЛ ХҮСЭЛТ

ЦАХИМ ХОЛБООС

САЙТЫН ХАНДАЛТ

Хугацаа Хандалтын тоо
ӨНӨӨДӨР 22
ЭНЭ 7 ХОНОГ 328
ЭНЭ САР 201
НИЙТ 17420

Холбоо барих

Хаяг:
Монгол Улс, Хэнтий аймаг, Чингис хот, Хэрлэн сум 3 дугаар баг, Гэр бүл хүүхэд залуучуудын газар

Холбоо барих:
Утас:70563533:
Цахим шуудан: khentii@fcy.gov.mn

Хүүхдийн тусламжийн утас:
Утас:70563533: +976-108

© 2023 он. Хүүхэд гэр бүлийн хөгжил хамгааллын газар. Бүх эрх хуулиар хамгаалагдсан.